Ko’chada yurar ekanmiz har xil voqea, hodisa, vaziyat va holatlarga ko’zimiz tushadi. Ba’zilari e’tiborimizni tortmasdan qo’ymaydi. Men aynan telefon haqida to’xtalib o’tmoqchiman. 21-asr ko’cha-ko’yda yigit-qizlarning qo’lidan telefon tushmaydi. Barchaning yaqiniga ham aylanib ulgurgan. To’g‘ri, hozir texnika asri, texnika imkoniyatlari cheksiz. Mobil telefonining yaratilishi texnik taraqqiyotning haqiqiy inqilobidir. Ammo barcha texnik taraqqiyotning salbiy tomonlari ham bor. Avvalambor yoshlar hayotiga ta’siri haqida gaplashsak. Ona farzand kutayotgan davrida ilm olish, foydali mashg’ulotlarni o’rganish ,sport bilan shug’ulanish o’rniga yarim kunini telefon bilan o’tkazib yubormoqda. Hamma ham deb aytmayman ba’zi onalar. Bu albbata ona va bola salomatligi uchun zararlidir.
Mobil telefondan chiqayotgan nur inson miya hujayralariga jiddiy ta’sir qilib, uni turli xavfli kasalliklarga duchor etadi. Telefonga berilib ketgan onalardan tug’ilgan bolalar allaqachon telefonga bog’lanib ulgurishgan. Bolalar еg’lab xarxasha qilishni boshlashsa ularni tinchlantirish, chalg’itish maqsadida telefon berib qo’yishadi jim bo’laqolsin deb. Beg’ubor bolalarni kichkinaligidanoq bu matohga o’rgatib, bog’lab qo’yib endi bundan qanday xalos qilsam bo’ladi deb bosh ham qotirishadi.
Axir bolalik- inson uchun berilgan davrlar ichida eng qadirlisi emasmi? Bolalikda go’zal,yorqin,quvvnoq xotiralar bo’lishi kerakku…. Hozirgi kunda e’tibor bersangiz bolalar maydonchalari huvullab qolgandek go’yo, hech kim yo’q demoqchi emasman avvallaridek bolalar bilan limo-lim emas. Men o’z bolalik davrimni eslaydigan bo’lsam turli xil shirin xotiralar bor. Biz mahalladagi do’stlarimiz bilan birgalikda har xil qiziqarli «Quvlashmachoq», «Berkinmachoq», «Ignadan baland»,» Oq terakmi? ko’k terak?» kabi o’yinlar o’ynab zavq bilan katta bo’lganmiz.Ammo hozirda esa… Afsuski, hali yurishni endi o’rganayotgan bolajonlarning qo’lida ham telefon-u,planshetlarni ko’ramiz. Ular endi milliyligimiz bo’lmish beshikchalarni, qo’g’irchoqlar-u o’yinchoqlarni ushlamay katta bo’lishadimi? Ular bir kun o’zlarining beg’ubor onlarini qanday eslashar ekan? Shuni takidlab o’tmoqchimanki bolalarning oltinga tеng davirlari telefonga bog’langan xolda o’tib kеtmasin.
Madinabonu Ibrohimova